Edhe pse procesi i larjes së rrobave është një detyrë e përditshme, por padyshim që ekziston një mënyrë e duhur edhe për këtë proces. Pyetja më e shpeshtë është se sa shpesh duhen larë rrobat dhe a këshillohet larja e tyre pas çdo përdorimi. Lidhur me këtë çështje ka dhënë disa këshilla të vyera dermatologia Annie Gonzalez. Ajo tregon që. nëse nuk i lajmë rrobat shpesh, mund të ndodhin kushte të ndryshme të pakëndshme të lëkurës, si puçrra ose skuqje që kruhet. “Lëkura jonë rithith të gjithë vajin e rrobave tona, dhe vaji bllokon poret dhe shkakton puçrra në trup”, shpjegon Gonzalez, duke çuar në pyetjen e fundi, sa shpesh i lani rrobat për të parandaluar zhvillimin e baktereve?
Nëse punoni nga shtëpia, ndoshta mund të vishni të njëjtat rroba për katër ditë, përveç nëse djersiteni shumë. Artikujt, si çorapet dhe të brendshmet, të cilat janë në kontakt shumë të drejtpërdrejtë me lëkurën, duhet të lahen më shpesh.
Përjashtimi i vetëm janë sutjenat, ato duhet të lahen vetëm pasi t’i keni veshur deri në katër herë. Është në rregull të vendosni rroba të tjera të përditshme në makinë pas veshjes së dytë ose të tretë. Këtu përfshihen fustanet, pantallonat e shkurtra dhe pantallonat. E njëjta gjë vlen edhe për rrobat e gjumit. Gonzalez rekomandon larjen e pizhameve pas përdorimit të tretë.
Discussion about this post