‘Sa të dal nga burgu do i vras të gjithë’, ç’thoshte Dan Hutra…

“Sa të dal nga burgu do t’i vras”, kështu mësohet të ketë qenë paralajmërimi i autorit 40-vjeçar Dan Hutra, ndërsa ka qenë në qeli.

Dan Hutra, autor i dyshuar për plagosjen e ish-gruas dhe nënës së saj dhe vrasjen e 2 familjarëve të tyre, dyshohet të jetë vrasësi i 31-vjeçares Etleva Kurti, e cila u qëllua sot për vdekje nga një makinë në ecje. E reja qëndronte në oborrin e banesës së saj kur u qëllua disa herë më armë, dhe fatkeqësisht humbi jetën.

Ndërkohë, Hutra dyshohet të jetë dhe autor i plagosjes së ish-të dashurës së tij me thikë, Marjana Gurakuqi, me qëllim që t’i grabiste lekë.

Prokuroria dhe policia vendosi që të verifikonte gëzhojat e armëve të gjetur në të dyja ngjarjet, ku ishte përdorur një kallashnikov.

Vëllai i Etleva Kurtit, ka bërë një akuzë të fortë, duke ngritur gishtin e akuzës te Dan Hutra, pasi sipas tij e ka kërcënuar disa herë brenda ambienteve të burgut, ku ai rezulton i dënuar përjetë.