Ministrja e Jashtme e Shqipërisë, Olta Xhaçka, në një prononcim për mediat, foli për rrezikun që ka Shqipëria nga agresioni i Rusisë. Xhaçka tha se çdo gjë mund të ndodhë por duke pasur parasysh që kemi të bëjmë me aktor të fuqishëm që kanë mundësi të bëjnë një luftë bërthamore, patjetër kjo në vetvete është një përcaktues shumë i fortë.
“Çdo gjë mund të ndodhë, por duke pasur parasysh që kemi të bëjmë me aktor të fuqishëm që kanë mundësi të bëjnë një luftë bërthamore, patjetër kjo në vetvete është një përcaktues shumë i fortë. Ndaj edhe NATO kërkon që mesazhet e saj të jenë të qarta dhe mos të ketë një përplasje të drejtpërdrejtë me Rusinë. Normal që është në krahë të Ukrainës duke e dëshmuar me ndihmën ushtarake apo edhe shëndetësore që po bën” – tha Xhaçka.
Kujtojmë se Presidenti rus, Vladimir Putin akuzoi përsëri ditën e sotme se Shqipëria ka dërguar mercenarë për të luftuar në Ukrainë kundër trupave rus. Por kjo deklaratë u mohua nga ministrja Xhaçka dhe nga ambasadorja amerikane në Shqipëri, Yuri Kim.
Discussion about this post