Sabitzer transferohet te një-herë kampionët e Europës

Marcel Sabitzer është lojtari më i ri i skuadrës së Borussia Dortmund.

Këtë lajm e kanë bërë publik vetë klubi gjerman përmes rrjeteve sociale, ku thekson se mesfushori ka firmosur për katër sezone.

“29-vjeçari vjen nga FC Bayern dhe tani po forcon BVB në mesfushë. Sabitzer përfundoi sot kontrollin mjekësor në Dortmund dhe më pas nënshkroi një kontratë pune të vlefshme deri më 30 qershor 2027.”-shkruan Dortmund.

Kështu austriaku do të vazhdojë të luajë në Bundesliga, megjithatë tashmë do të luajë me rivalët e Bayern Munich.