Katër ditë para fillimit të kampionatit, Arrigo Sacchi, në një intervistë për ‘La Gazzetta dello Sport’ tha se fitues i Seria A për këtë sezon do jetë Juventus.
Sipas teknikut italian rikthimi i Allegrit në krye të stolit të ‘Bardhezinjëve’ ka për t’i rikthyer ‘Zonjës së Vjetër’ sërish trofeun e kampionit, pas një sezoni pauze.
“Skuadra e ‘Bardhezinjëve’ është me përvojë të madhe. Me kthimin e Allegrit, ata do të jenë para të gjithëve, kjo edhe sepse Interi ka humbur yjet si Lukaku, Hakimi dhe mbi të gjitha trajnerin Conte. Massimiliano i di të gjitha rrugët që të çojnë drejt fitores dhe nëse ai arrin të marrë Locatellin, ky i fundit dotë jetë një lojtar i jashtëzakonshëm nën urdhrat e Allegrit.”-u shpreh Sacchi./Gijotina.com
