Një prej lojtarëve kryesor të Kombëtares shqiptare ndër vite, Armando Sadiku ka fituar gjyqin kundër Erzurumspor në FIFA . Lojtari nga Elbasani ishte pjesë e klubit turk sezonin e kaluar, por nuk qëndroi gjatë pasi në janar këta të fundit e larguan në mënyrë të njëanshëm.
Drejtuesit e klubit turk nuk u treguan korrektë për pagat e prapambetura dhe për këtë arsye sulmuesi e çoi këtë çështje në FIFA, ku edhe mori të drejtën që i takonte.
Organi kryesor i futbollit botërori vendosi që Erzurumspori t’i paguajë Sadikut plot 90 mijë euro, 70 mijë pagesa që i takonte dhe 20 mijë plus si kamatë vonese.
Kjo shumë do duhet t’i paguhet shqiptarit brenda 45 ditëve, përndryshe merkato e Erzurumspor do bllokohet për tre sesione.
Këtë sezon ky klub u rrëzua nga Supeliga dhe tashmë konkurron në ligën e parë turke, ndërsa Sadiku tashmë është pjesë e klubit spanjoll të Las Palmas, i cili garon në Kategorinë e Dytë./K.T/Gijotina.com
