Stadiumi i Kukësit, i cili tashmë nuk do të quhet më ‘Zeqir Ymeri’, por ‘Kukës Arena’ ka përfunduar, teksa pritet vetëm lidhja e barit me tokën që të caktohet edhe data e inaugurimit.
Së fundmi stadiumi është vizituar edhe nga presidenti i nderit, Safet Gjici, i cili ka bëtë me dije se brenda disa javësh aty do të luhet edhe ndeshja e parë.
“Stadiumi “Kukësi Arena” pritet të inaugurohet brenda disa javësh pasi çdo gjë është gati dhe pritet vetëm ok nga specialistët e fushës. Duke parë që stadiumi është gati, te Kukësi po punojnë edhe për kompleksin stërvitor që do të jetë ngjitur me stadiumin. Kompleksi stërvitor do të quhet “Ilirjan Thaçi” në nder të ish lojtarit 17-vjeçar të Kukësit që ndërroi jetë gjatë një ndeshje miqësore me të rinjtë e Kukësit. Këshilli Bashkiak ka marrë vendim që kompleksi të marrë emrin “Ilirjan Thaçi”.”-tha ai.
Rikujtojmë se klubi ‘Verilindor’ bëhet kështu me shtëpi të re, pas rreth tre vitesh ‘shtegëtim’ dhe do të ketë mundësinë që të zhvillojnë ndeshjet pranë tifozerisë së tyre./K.T/Gijotina.com
Discussion about this post