Nuk kanë munguar as ditën e sotme debatet dhe ironit në Komisionin Hetimor për koncesionet në shëndetësi.
Në një debat me deputetët e partisë socialiste, Samir Korreshi e ka quajtur planin e punës si “Plan Marshall” dhe ndër të tjera ai ka kërkuar grupit të punës të ulen dhe të punojnë.
“Shkurt si i ndjeri Fadil Hasa, a ulemi bëjmë një produkt?! Bëni ca të doni se na plaset!
E dyta na kurseni pjesën e planeve, se ne vijmë nga plani 120%. Sa për planin që na keni sjellë, na thoni dhe ku do ta montojmë dhomën e rrëfimit se keni parashikuar që të rrëfehen të gjithë ministrat tek e tek. Qysh e kemi tek e tekun? Po ca jemi ne inspektorët e Sigurimit të shtetit që ti marrim tek e tek?! Këtu ore të vijnë ti dëgjojmë të gjithë. Ne nuk do ndajmë lekët.
Prandaj planin Marshall ta lëmë për në fund, ne nuk po biem për kalendarin! Do jetë me Milanin apo me Interin me fotografi. Uluni dhe na i ndani këtë punë dhe të fillojmë punën rehat”, tha deputeti Korreshi.
Discussion about this post