Saimir Tahiri paraqitet në SPAK për dosjen e 21 Janarit

Ish-ministri i Brendshëm, Saimir Tahiri është paraqitur në Prokurorinë e Posaçme.

Mësohet se Tahiri është thirrur për të dëshmuar në lidhje me dosjen “21 Janari”.

Tahiri në atë periudhë ka qënë një nga tre personat kryesorë të organizimit të demonstratës dhe të hetuar nga Prokuroria e Tiranës, së bashku me Tom Doshin dhe Besnik Baren, hetim i cili u pushua.

Thirrja e tij është bërë nga prokurori Alfred Shehu, në kuadër të veprimeve verifikuese për dosjen e “21 janarit”.

Në këtë ngjarje mbetën të vrarë 4 persona.

Një ditë më parë është paraqitur për të dëshmuar pranë Prokurorisë së Posaçme për këtë dosje edhe deputeti socialist Xhemal Qefalia.