Kur vjen puna te droga, shqiptarët gjithmonë e gjejnë një mënyrë për ta siguruara atë e për të kryer biznes. Kështu, ditën e djeshme Policia e Prizrenit ka organizuar një aksion ku ka konfiskuar rreth 11 kg lëndë narkotike dhe ka arrestuar një 45-vjeçar.
Policia ka pasur informacione se 45-vjeçari i identifikuar si S.T, në shtëpinë e tij kishte sajuar nhjë bodrum ku kultivonte lëndën narkotike, kështu gjatë një operacioni të organizuar i dyshuari u arrestua në flagrancë.
“Gjatë kontrollimit janë gjetur dhe konfiskuar dëshmitë e poshtëshënuara si provë materiale: Dy (2) pushke gjuetie dhe pesëmbëdhjetë (15 ) fishekë, Një (1) pistoletë, me karikatorë të zbrazët, Një (1) thes i bardhë dhe një (1) thes i zi me trupa të bimës dhe gjethe të cannabis sativa-së me peshe totale 2200 gramë, Një (1) thes i zi me gjethe të bimës cannabis sativa me peshë totale 2100 gramë, Substancë e dyshuar narkotike e llojit marihuanë (me trup të bimës ) me peshë 1000 gramë, Një (1) thes i zi me trupa të bimës dhe gjethe të cannabis sativa-së me peshë 1900 gramë, Substancë e dyshuar narkotike e llojit marihuanë me peshë 900 gramë, Bimë e dyshuar cannabis sativa me peshë totale 3000 gramë, Dymbëdhjetë (12) bime të cannabis sativa-së të mbjella në zonën e quajtur “LAKE “ afër fshatit Tupec afër lumit Drini i Bardhë, Një (1) veturë ‘ËV pasat’ me targa vendore, Një (1) telefon mobil samsung, Një (1) telefon mobil ‘ONXA’”, njofton policia.
Gjatë kontrollit i është gjetur edhe një armë tip pistoletë për të cilën do të përballet me akuzën për veprën penale “Mbajtja në pronësi, kontroll ose posedim të paautorizuar të armëve”.
