Sako, 30 mln lekë pa garë Dulakut, që t’i pasqyrojë “punën” në TV

Kryebashkiakja e Durrësit, Emiriana Sako, ka bashkuar forcat për aferën e radhës me vëllezërit Dulaku. Me datë 23 dhjetor 2022, Sako ka mbyllur tenderin me objekt “Shërbim interneti për nevojat e UKD-së”. Sipas dokumentit vetëm, që UKT e varur nga Bashkia Durrës, do të ketë në dispozicion 30 milionë lekë internet për fatura, gjoba dhe argëtim nëpër zyra.

Së pari, evidentojmë se tenderi është dhënë pa garë. Në dokumente tregohet se katër kompani kanë paraqitur ofertat e tyre.

Por, edhe pse 2 prej tyre kanë oferta shumë më të lira se fituesi, njerëzit e Sakos në komisionin e tenderit, i eliminuan menjëherë. Dhe lanë në garë vetëm kompaninë “ALBANIAN SATELLITE COMMUNICATIONS”, në pronësi të Artan, Adrian dhe Genci Dulakut. Kështu, tre vëllezërit kanë marrë 30 milionë lekë pa u lodhur fare dhe në shkelje të konkurrencës. Tenderi është vlerësuar “flamurin e kuq” për riskun e korrupsionit me fondin, duke iu shtuar listës së aferave të nënshkruara nga dora e Sakos.

Duke qenë se në maj 2023 janë zgjidhjet dhe nuk i dihet si shkojnë votimet, Emiriana Sako po i siguron internet për të gjithë vitin ndërmarrjes Ujësjellës- Kanalizime. Jo vetëm kaq! Janë të njohura pazaret që bëjnë zyrtarët me pronarët e mediave televizive për të siguruar propagandë të mirë përgjatë fushatës. Pra, Sako ka siguruar një lidhje të mirë më vëllezërit Dulaku. Të cilët kanë në pronësi “Vizon Plus”, rrjedhimisht do të marrë mbulim pozitiv të punës së saj.

Por, ka edhe më! Kompania “ALBANIAN SATELLITE COMMUNICATIONS”, ka si firmë mëmë ELBASAN TV dhe Elbasan Cable .

Cka tregon se Sako po kujdeset që edhe socialistët e Elbasanit të marrin mbështetje televizive. Ndërsa SPAK rri e vështron përballë këtyre fakteve.

Nga të dhënat e Spending Data Albania  rezulton se vetëm në dy vitet e fundit, rreth 210 miliardë lekë Bashkia Durrës i ka prokuruar nëpër tenderët me shkelje.

Nuk mungojnë tenderët e denoncuar të Sakos që kanë pasur objekt si; dekorime, makina, blerje nafte, mobilje,  ndriçim,  internet, kompjuterë e të tjera. Të gjitha këto shpenzime janë dhënë në prokurime të parregullta, në shkelje të ligjit dhe kanë qenë bashkëpunime me biznesmenë që po pasurohen për shkak të lidhjeve korruptive.