Gjykata administrative Durrës ka hedhur poshtë vendimin e kryetares së bashkisë Emiriana Sako në lidhje me shkarkimin nga detyra të nënkryetarit Arber Braho, djali i ish deputetit socialist Spartak Braho.
Vendimi është marrë më datë 20 prill dhe në të është konsideruar i paligjshëm dhe me shkelje të procedurave administrative lirimi i Brahos nga detyra. Në të njëjtën kohë, Gjykata Administrative ka ngarkuar me përgjegjësi financiare institucionin e qeverisjes vendore për këtë vendim të paligjshëm.
Braho u shkarkua në nëntor të vitit 2021 pas disa deklaratave publike në lidhje me akuzat për abuzim me postin ndaj ish kryetarit Vangjush Dakos, duke vërtetuar akuzat se drejtuesja aktuale e bashkisë është një “kukull” në duart e Dakos.
Discussion about this post