Nuk ka javë që kryabshkiakja e Durrësit, Emirjana Sako të zhvilloj një tender me shkelje. Këtë herë Sako është kujtuar të vendos ndriçimin në rrugën “Bajram Tusha”, lagjja 14 në Shkozet. Për këtë rrugë ka pasur shumë herë ankesa pasi është drejtë amortizimit, pa drita dhe me plehra kudo. Por, tërë këto kohë që ishte në krye të Bashkisë, Sako i ka injoruar ankesat. Në prag të zgjedhjeve duket se rruga do të ndriçohet.
Kur në fakt qëllimi kryesor nuk është ndriçimi, por përvetësimi i fondeve, duke i xhiruar tek klientët e pushtetit. Këtë dyshim e vërteton kontrata abuzive.
Tenderi është mbyllur në 3 mars 2023 me objekt ndriçimin e rrugës “Bajram Tusha”, dhe është vënë në dispozicion fondi me vlerë 85 milionë lekë.
Për këtë tender ka paraqitur ofertë vetëm firma “Caushi M”, e cila ka ofruar ta kryejë me 66 milionë lekë (pa TVSH).
Në këtë rast, ligji kërkon që Sako të anulojë procedurat për shkak të mungesës së interesit, por kryebashkiakja i ka firmosur kontratën Mehmet Caushajt. Kështu ky i fundit ka përfituar tenderin në mungesë konkurrence, çka përbën cenim të ligjit të prokurimeve dhe risk për korrupsion me fondin e caktuar.
Vendosjen e disa dritave në një rrugë lagjeje, Sako mund ta bënte me punëtorët e bashkisë me fondet që ka institucioni dhe nuk ishte nevoja për hapjen e një tenderi. Por, kryebashkiakja shfrytëzon çdo mundësi për të zhvilluar këto afera të cilat ndikojnë edhe në zgjedhjet e ardhshme.
Ndërkohë, Sako harron një problematikë tjetër shumë të madhe në këtë lagje. Koshat e mbeturinave rrinë me ditë të tëra të mbushura plot. Në vitin që lamë pas, banorët kanë denoncuar disa herë gjendjen e rënduar në të cilat ndodhet lagjja nga mbeturinat e hapura nëpër rrugë.
Foto më lartë është publikuar në media me datë 30 dhjetor 2022. Dhe shihet qartë papastërtia në këtë lagje, pasi bashkia nuk pastron. Kështu bashkia taksat i mbledh, por nuk investon. Qytetarët kanë shpresa vetëm kur afrojnë zgjedhjet, sepse atëherë zgjohet bashkia e Sakos!
Lexo edhe: Sako i shet Gjikurisë tenderin 1.2 mld lekë, fiton oferta më e shtrenjtë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post