Pas vendimit për të mos rinovuar Paolo Dybala, i cili do të largohet në fund të këtij sezoni. Drejtuesit e “Zonjës së Vjetër” e kanë një ide se kush mund të jetë edhe zëvendësuesi i sulmuesit argjentinas në radhët e skuadrës bardhezi.
Juventusi tashmë do të hidhet në treg për të gjetur edhe sulmuesin e dëshiruar që mund t’i përshtate skemave të skuadrës për sezonin e ardhshëm, dhe sipas “Sportmediaset” Mohamed Salah është një “ëndërr në sirtar” për drejtuesit e “Zonjës së Vjetër”.
Një operacion shumë i ndërlikuar ky për drejtuesit e bardhezinjve të cilët do të bëjnë të pamundurën t’i “rrëmbejnë” Liverpool “xhevahirin” e skuadrës.
Salah ka kontratë me “The Reds” deri në qershorin e 2023 dhe për të kaluar te Juventus ai minimumi që dëshiron të përfitojë është më shumë se 12 milionë euro që merr tani nga skuadra angleze. /gijotina.com
Discussion about this post