Sulmuesi i skuadrës së Liverpoolit, Muhamed Salah ka zbuluar të ardhmen e tij gjatë një prononcimi për mediat angleze. Ai ka theksuar se dëshiron të qëndrojë gjatë te “the reds” dhe nuk e mendon largimin.
“Nëse më pyetni mua, do të doja të qëndroja deri në ditën e fundit të karrierës sime futbollistike, por nuk mund të them shumë për këtë. Varet nga ajo që dëshiron klubi, jo nga unë.
Për momentin nuk mund ta shoh veten duke luajtur kundër Liverpool-it. Kjo do të më trishtonte. Është e vështirë, nuk dua të flas për këtë, por do të më trishtonte shumë.
Është gjithmonë ambicia për të qenë lojtari më i mirë në botë. Nuk kam pse të gënjej. Është diçka që më shtyn të punoj shumë dhe të përpiqem të jem versioni më i mirë i vetes.
Në kokën time, unë jam lojtari më i mirë gjatë gjithë kohës. Po përpiqem ta kem atë besim në kokën time. Nuk ka rëndësi nëse disa njerëz pajtohen me ju, disa njerëz jo”, theksoi Salah.
