Mohamed Salah është bërë i 19-i futbollist që mer çmimin e ‘Golden Foot’. Mbrëmjen kur Lionel Messi ngriti trofeun e ‘Topit të Artë’ për të shtatën herë, sulmuesi i Liverpool ka fituar një çmim të madh.
Salah nuk ishte në gjendje të merrte pjesë personalisht në ceremoninë për shkak të gjendjes shëndetësore, por gruaja e tij ishte aty për të marrë çmimin prestigjioz që është fituar nga kaq shumë legjenda.
‘Golden Foot’ do të thotë që gjurmët e lojtarit do të zënë vendin në shëtitoren e Kampionëve në Monaco së bashku me gjurmët e legjendave si, Pele, Diego Maradona dhe shumë të tjerëve.
Për këtë çmim Salah u përball me një konkurrencë tepër të vështirë për të dalë në krye me Messin (që ende nuk e ka fituar këtë çmim), Gerard Pique, Robert Lewandowski, Giorgio Chiellini, Neymar, Sergio Ramos, Sergio Aguero, Karim Benzema dhe Romelu Lukaku që përmbyllnin të nominuarit në vitin 2021.
‘Golden Foot’ konsiderohet si ‘çmimi i vetëm që mund të fitohet vetëm një herë në karrierë’ me vetëm lojtarë aktivë mbi moshën 28 vjeçare të kualifikuar për të marrë gjurmët e arta.
Mediat sportive nga e gjithë bota ngushtojnë një përzgjedhje fillestare prej 50 kandidatësh nga Komisioni i Golden Foot në 10, përpara se tifozët e futbollit të thonë fjalën e fundit si pjesë e një sistemi votimi online.
Lista me fituesit e ‘Golden Foot’:
2003 – Roberto Baggio
2004 – Pavel Nedved
2005 – Andriy Shevchenko
2006 – Ronaldo Nazario
2007 – Alessandro del Piero
2008 – Roberto Carlos
2009 – Ronaldinho
2010 – Francesco Totti
2011 – Ryan Giggs
2012 – Zlatan Ibrahimovic
2013 – Didier Drogba
2014 – Andres Iniesta
2015 – Samuel Eto’o
2016 – Gianluigi Buffon
2017 – Iker Casillas
2018 – Edinson Cavani
2019 – Luka Modric
2020 – Cristiano Ronaldo
2021 – Mohamed Sala/K.T/Gijotina.com
Discussion about this post