Lufta mes dy fronteve në selinë blu, Basha-Berisha po bëhet më e fortë. Mbështetësit e Bashës, nën “ethet” e 11 dhjetorit ku do të mbahet Kuvendi i thirrur nga Sali Berisha, po përdorin të gjithë gurët e shahut për ta goditur ish-kryeministrin. Sipas deputetit demokrat Ervin Salianji, Sali Berisha po minon demokracinë. Ndërsa SHBA-në e ka konsideruar si arbitër që është pranuar dhe vendimet duhet të jenë të mirëqena si në të mirë si në të keq.
“Fakti që ka një vendimmarrje të qartë, përgjigja është e qartë. Vendimi flet në këtë rast. Është artikuluar qartë kur pranohen si arbitër SHBA. E pranon edhe për Penallti dhe për Karton të Kuq. Padiskutim Berisha po provon që po tenton të minojë demokracinë. Nuk po e minon demokracinë Sali Berisha ? Plotësisht”, ka thënë ai.
Deputeti demokrat mes të tjerash ka hedhur akuza ndaj Berishës duke thënë se ai po cënon elementet e demokracisë në vend që ai vetë në të shkuarën ka kontribuar për t’i ndërtuar në Shqipëri.
“Të gjithë trashëgimia e Berishës, po dëmtohen tani. A është i korruptuar do e shikojmë. Minues i demokracisë. Absolute me qëndrimet publike të tij. Duke tentuar të minojë opozitarizmin dhe elementëve të demokracisë opozita. Dua të shoh nga e ardhmja” tha Salianji.
Discussion about this post