Ervin Salianji: Rama të dorëhiqet ose do të shporret nga qytetarët

Vijon të jetë e përshkallëzuar situata në Bulevardin “Dëshmorët e Kombit”, pranë Kryeministrisë.

Ervin Salianji ka bërë një reagim në rrjete sociale ndërsa shprehet se kryeministri Edi Rama duhet të dorëhiqet, ose sipas tij “do të shporret nga qytetarët”.

Ai thekson se qytetarët kanë humbur besimin te qeveria, ndërsa nuk i kursen kritikat dhe ndaj opozitës.

Reagimi i plotë:

Edi Rama duhet të dorëhiqet ose do shporret nga qytetarët! Por në ditët kur Shqipëria po përballet me një nga krizat më të rënda politike, opozita, fatkeqësisht, shfaqet po aq e strukur, e heshtur dhe e frikësuar sa vetë pushteti që pretendon të kundërshtojë.

Në një moment kur selia e Partisë Demokratike duhej të ishte epiqendra e rezistencës, kur çdo orë duhej të kishte konferenca shtypi, denoncime publike dhe qëndrim të palëkundur në krah të protestuesve e studentëve që raportojnë se po keqtrajtohen, opozita zgjedh heshtjen. Madje, qarkullojnë informacione se drejtues të lartë të saj janë larguar nga kryeqyteti pikërisht në këto momente kritike.

gijotina.com/

Etiketa: Kryesore1 protesta