Salianji: Basha do të formalizojë partinë e tij pas zgjedhjeve

Situata në PD, vazhdon te jetë e nderë dhe ende pa zgjidhje mes palëve.

Deputeti i PD-së, Ervin Salianji, tha sot në emisionin “Të paekspozuarit”, se në vetvete PD vazhdon të jetë e ndarë në dy parti ose dy interesa.

Salianji bëri të ditur se Lulzim Basha, po formalizon partinë e tij, dhe të njëjtën do ta bëjë pas zgjedhjeve lokale të 14 majit.

“Këtu janë dy parti, dy interesa të ndryshme, në njërën anë, Sali Berisha, që ka marrë shumicën dhe një parti që po formalizohet tashmë, Basha që po përpiqet që pas zgjedhjeve lokale të bëj parti. Ajo që unë mendoj se është e padrejtë që bëhet me mbështetjen e qeverisë, që bëhet me kulisa, që tentohet të mbahet një gjë që nuk i takon, që është vula dhe sigla. Nëse do të bësh parti, dil bëje, por siglën, vulën e kontributin e kësaj partie, nuk ti jep Rama”, tha Salianji.