Deputeti i Partisë Demokratike, Ervin Salianji, ka dënuar edhe njëherë shumë ashpër protestën e sotme të thirrur nga Berisha. Në një prononcim për mediet ai tha se, ish-kryeministri Berisha ka negociuar me kundërshtarët e rij më të ashpër dhe është për të ardhur keq që nuk negocion me ata që kanë kontribuar për të. Sipas Salianjit, është i pajustifikueshëm fakti që përmes kësaj proteste, Berisha vuri në rrezik jetën e grave shtatzëna.
“Jemi të distancuar për shkak të një vendimi të policisë dhe prokurorisë e cila po bën këqyrjen e vendit dhe shumë shpejt do të jetë e hapur për gazetarët. Është një ditë e keqe, një shije e hidhur për shqiptarët dhe Shqipërisë që iu kthyen skena të së kaluarës. Pamë një demonstrim force që u rrezikuan jetët e grave shtatzëna dhe nuk e di pse një protestë e tillë duhej të degradonte në këtë mënyrë ku mund të ishte ulur dhe biseduar paqësisht”, tha ai.
Më tutje, demokrati u shpreh i bindur se Berisha nuk ka për ta marrë kryesinë e PD, ndërsa tha që duhet t’i thërras arsyes sepse ka ikur koha kur pushteti merrej me dhunë. “Duhet t’i thërrasin arsyes dhe çdo gjë të vendoset nëpërmjet votës. Nuk mund tët që të shfrytëzohet dëshpërimi i humbjes së 25 prillit për të shkuar në përplasje. Asnjë gjë nuk merret me dhunë”, përfundoi Salianji, duke theksuar se PD nuk do të ia jap selinë dhunuesve.
Discussion about this post