Deputeti demokrat, Ervin Salianji, duke folur rreth zhvillimeve në PD, ka theksuar se Sali Berisha mbetet personaliteti më i votuar në radhët e demokratëve, dhe si i tillë është një faktor i pashmangshë. Lidhur me zhurmën e krijuar se kush do të jetë kryetar i grupit parlamentar për demokratët, Salianji tha se kreun e grupit e zgjedhin vetë deputetët demokratë dhe ata janë shprehur tashmë.
“Sali Berisha është personaliteti me më shumë vota në opozitë, faktor i pashmangshëm për ta bërë opozitën fituese përballë qeverisë. PD është e bashkuar.
Nuk jemi të deputetë as të Sali Berishës as të Gazment Bardhit, por të Partisë Demokartike. Jemi në një tryezë për të koordinuar aksionin opozitar. E bëj këtë përcaktim për të treguar që jam me demokratët.
Në kushtet kur në Kukës formacionet qeveritare janë bashkë. Nëse do të ishte kandidati i nxjerrë nga formacioni ndihmës qeveritar i Basha, do të ishte e përçarë. Fakti që kalkuluam që Basha dhe Rama duhet të jenë bashkë, ata po kandidojnë bashkë. Vetë Basha sot është qartësisht një formacion ndihmës qeveritar sa ruhet nga shteti dhe qeveria.
Bardhi është kryetar i grupit, Açka është kryetare e komisionit të medias, ka qenë përherë, në këtë cilësi e kanë ftuar… këtu nuk ka lajm. Po merremi me një gjë që është botërisht e ditur. Nuk ka nevojë që Kuvendi të njohë Bardhin si kreun e grupit, sepse nuk e zgjedhin ata por vullneti i deputetëve të PD”, u shpreh ai.
Discussion about this post