Salianji: Berisha shumicë në PD për faj të Lulzim Bashës

Ervin Salianji, deputet i PD-së, tha në emisionin “Real Story” se arsyeja pse Sali Berisha është shumicë në Partinë Demokratike mund të jetë Lulzim Basha.
Salianji tha se megjithëse mendon se duhet një rinovim i figurave në Partinë Demokratike, demokratët menduan se duhet të jetë ai që duhet të drejtojë këtë parti.

“Berishën e zgjodhën demokratët, ky është fakt. Ndoshta për faj të Lulzim Bashës, por Berishën e zgjodhën demokratët dhe në zgjedhjet e 14 majit mori 500 mijë vota, pa pasur sigël dhe logo në fletën e votimit, duke pasur edhe “non grata-n”, dhe ky është fakt”, tha Salianji.

Ai u shpreh se ka njohur si Kryetar Lulzim Bashën, nuk ka pasur asnjë kontakt me Sali Berishën, por pas 10 vitesh na del Basha dhe thotë “kam qenë pupac i Berishës”, pra na gënjeu për 10 vjet me rradhë.

“Në mbledhjen kur u lanë mandatet, ka qenë një fjalim i Lulzim Bashës, që Sali Berisha nuk ka qenë pro dhe unë kam qenë kundra, por iu nënshtrova vullnetit të shumicës. Ashtu sikundër i nënshtrohem sot vullnetit të shumicës së demokratëve, që kanë zgjedhur Berishën si kryetar”, tha Salianji.

Ai tha se mbështetësit e Sali Berishës janë shumicë e padiskutueshme në PD.

“Lulzim Basha ka qene i tërhequr. Ju e mbani mend që tre muaj pasi e mori vendimin unë nuk kam parë asnjë vendimmarrje tjetër, ku flitet për një personalitet politik që është më i miri. Edhe kjo ishte narrativa e Lulzim Bashës. Pra, unë e bëj këtë për të mirën e doktorit.

Ky ishte gjithë thelbi i ditës kur mori vendimin dhe i ditëve më pas me të gjithë ne, ndërkohë, që nuk se kishte të njëjtën monedhë, ishte një agresion.

Hapat e tjerë që merr zoti Basha, po ashtu nuk e kuptoj dot se kujt i shërbejnë. Pra, ndodhi situata e zgjedhjeve të 14 majit, sapo filloi ky debat, doli prap Basha në skenë dhe e mori vëmendjen.

Unë jam i bindur që nëse nuk do të ishte një pengmarrje që po i bën Basha siglës së PD i ndihmuar nga qeveria, ky do të ishte komplet tjetër në raport me zotin Berisha në publikë dhe në PD.

Diferenca është se zoti Berisha del dhe bën betejën dhe merr ca vota”, tha Salianji.