Ervin Salianji dhe Arbi Agalliu njëzëri kërkojnnë që Basha dhe Berisha të largohen nga PD, për të mos pasur më asnjë ndikim në parti. Gjatë një interviste televizive, Saliani tha se Basha nuk ka zgjidhje tjetër përveçse të japë dorëheqjen si kryetar i Partisë Demokratike. Sipas tij, Basha mund të qëndrojë si deputet për hir të investimeve që ka dhënë në parti, por nuk duhet të ketë më ndikim në ecurinë e saj.
“Nuk është ultimatum, e ka kërkuar Basha në mbledhjen e PD, më e mira për PD është dorëheqja e Bashës kështu nuk ka një rrugë tjetër për PD, se shumica e votuesve opozitarë nuk dolën në votime për shkak të kësaj krize. Një pjesë të votave ‘Shtëpia e Lirisë’ i ka marrë si votë inati kundër tij. E mira demokratëve është të dorëhiqet, unë besoj se do shkohet këtu, kur ka humbur legjitimitetin nuk ka asnjë arsye përse të rrijë në detyrë, për më tepër PD u katandis në një gjendje traumatike, forcë e tretë në drejtimin e Bashës. Duhet ta ringremë dhe hapi i parë është që Basha të japë dorëheqjen dhe të japë kontribut si deputet i kësaj force politike për shkak të çdo gjëje që ka investuar PD tek ai” ”, u shpreh ai. Salianji ka kometuar edhe deklaratat e Berishës për tu rikthyer në krye të PD-së. Ai thotë se Berisha është i përjashtuar nga grupi parlamentar ndërsa thekson se duhet të tërhiqet për të gjetur një zgjidhje.
Ndërkohë i të njëjtit mendim është edhe deputeti Arbi Agalliu, i cili thotë se Basha e ka dorëheqjen në tavolinë. Deputeti demokrat thekson se PD nuk mund të vijë në pushtet as me Sali Berishën dhe as me Lulzim Bashën.
“Grupi parlamentar janë duke analizuar, kanë kërkuar një hap pas të kreut të PD-së, Bashës së bashku dhe me Berishën që ti hapet një gare të ndershme korrekte mes demokratëve sipas parimit një anëtar një votë për këdo që dëshiron të udhëheqë PD. As Basha as Berisha nuk mund të marrë votën e elektoratit gri për ta rikthyer PD në pushtet. Basha ka thënë ofroj çdo gjë në funksion të bashkimit të demokratëve, dhe dorëheqja është pjesë e kësaj, dorëheqjen e ka në tavolinë por duhet të vlejë si një akt thirrje në mënyrë që të ketë një lloj tërheqje për të vijuar para. Është e pamundur që PD të vijë në pushtet nga Basha dhe Berisha“, u shpreh Agalliu. Ndërsa të dy ata kërkuan që Basha të mos vonojë më, pasi po mban peng PD. Kujtojmë se sot ishte afati i fundit që deputetët i kishin lënë Bashës për të dhënë dorëheqjen, por ky i fundit vazhdon me këmbënguljen e tyre.
Discussion about this post