Deputeti demokrat, Ervin Salianji është shprehur se pas një aksioni të gjatë, grupi i Partisë Demokratike po unifikohet, por me dy ‘kushte’.
I ftuar në “Breaking” në Top News, Salianji tha se demokratët duhet të mbajnë marrëdhënie të mira me SHBA dhe ndërkombëtarët e tjerë, si dhe duhet të mbështesin punën e SPAK.
–Nëse ndarja e PD i referohet grupit më të madh opozitar, mund të shihet si e ndarë në tre grupe, ju nuk përcaktoheni si pjesë e njërit apo tjetrit, ju jeni grupi i tretë.
Salianji: Faleminderit për vlerësimin. Është e rëndësishëm që deputetët të identifikohen jo nga liderët e tyre, unë jam përfaqësues i qytetarëve, jam i zgjedhur me votat e opozitareve dhe jam përfaqësuesi i tyre. Partitë nuk mund të jenë pronë e një individi se janë pasuri kombëtare në shërbim të interesit publik.
-Keni një grupim tuaj?
Salianji: Nuk jemi në situatën e matjes së forcës. Unë nuk bëj sikur kjo nuk ekziston cilido ka mbështetës brenda çdo partie. Të gjitha palët në fund duhet të gjejnë një pikë që i bën bashkë për të qenë kundër qeverisë, front opozitar. E rëndësishme është të jemi në terren, Unë kam zhvilluar takime në terren, në Kavajë i kthyem bashkinë demokratëve dhe qytete të tjera të Shqipërisë për shqetësimet reale të shqiptarëve. Qeverisë i mungojnë mekanizmat e kontrollit. Nuk mundet që Parlamenti mos të ketë rol kontrollues ndaj qeverisë, nuk lejohet ngritja e komisioneve, përfaqësimi i drejtpërdrejt në komisionin e reformës zgjedhore.
-Votat që mblidhni, i cilësoni si vota personale apo të PD?
Salianji: Nuk ka asnjë diskutim që PD është makineri e rëndësishme elektorale. Individët e PD është e rëndësishme mos kenë background korruptiv, të mos kenë abuzuar me pushtetin kur kanë pasur pushtet. Ka të bëjë me individët mbledhja e votës. Për shkak të mos paraqitjes apo një defekti, lëshimi të vullnetshëm, qarku i Korçës për një vit e pak nga zgjedhjet e kaluara, në 14 maj diferenca ishte 16 mijë vota, Pogradec 12 mijë vota e kështu me radhë. Ka shumë rëndësi përfaqësuesi i partisë.
-Si do të arrihet unifikimi? Cilët do bëhen pjesë e këtij unifikimi?
Salianji: Ky nuk është proces i lehtë. Kemi qenë me përplasje të mëdha, me diferenca të mëdha, Tanimë jemi në logjikën jemi ripozicionuiar. Nga një grup parlamentar që ishim në hesap të vet, grupi është i fokusuar te beteja me qeverinë, jo me njëri tjetrin. Procesi i bashkimit, po ndodh. Ne do bashkohemi në diversitet, për mua është e domosdoshme, të mbajmë marrëdhënie të mira me SHBA dhe partnerë të tjerë, duhet mbështetur SPAK për të gjithë luftën dhe përpjekjen për të qenë të pavarur dhe të paanshëm.
Discussion about this post