Deputeti demokrat, Ervin Salianji nga SPAK, tha se është detyrë e çdo deputeti dhe qytetari që të jenë në mbrojtje të të drejtave themelore, teksa iu referua thirrjes së liderit të opozitës, Sali Berisha në Prokurorinë e Posaçme.
Sipas Salianjit, thirrja e Berishës në SPAK vjen në një kohë kur PD ka ndezur motorët e saj të fushatës dhe protestave të fuqishme për zgjedhje të lira dhe qeveri teknike.
“Lajmi vjen kur PD ka ndezur motorët për fushatën dhe protestat të fuqishme për të krijuar kushtet për zgjedhje të lira dhe qeveri teknikëe, të bën të dyshosh se s’është çështje e ligjit, por përtej saj. Izolimi i Berishës krijon premisa që të mos kemi zgjedhje të lira e të ndershme. Demokratët e qytetarët edhe sot do të dinë të kenë solidaritet të plotë me protestat për të garantuar të drejtat themelorë në këtë vend.
E kam inkurajuar SPAK për t’u shkuar dosjeve dhe kallëzimeve tonë deri në fund. Secili nga prokurorët kanë pavarësi dhe ne do bëjmë presionin e duhur për t’i shkuar hetimit deri në fund, tha Salianji.
Discussion about this post