Deputeti i Partisë Demokratike, Ervin Salianji është shprehur kundër marrëveshjes me Partinë Socialiste. Në një deklaratë për gazetarët pas mbledhjes së Grupit parlamentar, Salianji nuk i shikon si fitore ngritjen e dy Komisioneve Hetimore.
Sipas Salianjit kjo marrëveshje ul besueshmërinë dhe dëmton perceptimin e opozitës tek demokratët dhe shoqëria.
“Sot po e rithem që jemi në kushtet kur të drejtat e opozitës janë më të kufizuara. Pas një aksion 5 mujor ka ndryshuar rregullorja e Kuvendit, jemi në kushtet kur jemi përpara një ligji të komisioneve hetimore që kufizon transparencën dhe në fund të ditës, a ka nja dy tre muaj Rama që me ligjin e ri thotë merrni 8 komisione hetimore?
Rama nuk mban marrëveshje. Koha do ta konfirmojë se me Edi Ramën asgjë nuk ndodh. Përderisa themi që rruga radikale është e vetmja rruge, nuk mund të bëhemi si lavjerrës. Kjo marrëveshje na ul besueshmërinë dhe dëmton perceptimin e opozitës tek shoqëri dhe demokratët.
I gjithë faktori ndërkombëtar ka kërkuar normalizim, nuk mund ta japim si bonus që na e jep Rama. Çfarë t’ju them se kemi fituar të drejtën të ulemi në Konferencën e Kryetarëve që e kemi refuzuar deri tani? Ne e kemi pasur atë të drejtë dhe nuk jemi ulur sepse e kemi refuzuar për shkak të moszbatimit të Kushtetutës nga Rama. Kjo marrëveshje na ul besueshmërinë. Nuk ka asnjë krisje, kjo është një qasje tjetër që ka të bëjë me parlamentin, jo me bashkimin. Gjithçka që ka të bëjë me analizën në Parlament, ka diskutim.
Vendosi në pikëpyetje gjithçka që kemi thënë në të kaluarën. Ne kemi vetëm 1 kërkesë dhe s’kemi marrë asgjë.
Kërkesa jonë është zbatimi i Kushtetutës dhe zbatimi i të drejtave të opozitës.
Nga kjo lind kërkesa për komisionet hetimore që i kemi marrë me ligjin e ri të Ramës, jo me ligjin që ishte. Unë do të operoj me një ligj që e quaj antikushtetues? Kam firmosur që është antikushtetues e kam çuar në Gjykatë, Tani do ti them vetes dhe publikut që po e tërheq këtë sepse mendoj ndryshe.
Reformë zgjedhore nuk ka për të pasur se nuk do Edi Rama, do të merret me këtë që po merremi ne tani dhe këtu do të jemi prap. Nuk do të ketë asnjë efekt dhe asnjë të mirë publike sepse Rama e zhbëri atë që tha me Komisionin e Reformës zgjedhore. Zgjidhja është ose bazhdimi i rrugës që kemi në përballje ose qëndresa deri në realizimin e një kërkesë që burojnë të gjithë të tjera”, tha Salianji
Discussion about this post