Deputeti demokrat Ervin Salianji, gjatë mbledhjes së Grupit Parlamentar të Partisë Demokratike, ka dalë kundër pjesëmarrjes në komisionin Anti-korrupsion, të propozuar nga mazhoranca.
Salianji theksoi se PD dhe opozita mund të përdoret si instrument për të luftuar SPAK nga Edi Rama.
“Për mua nuk duhet të kemi asnjë pjesëmarrje në një komision që u bë në mënyrë të njëanshme, që u propozua si platformë elektorale nga Rama. Është hedhje hi sysh për qytetarët dhe ndërkombëtarët në gjithë situatën që ndodhen sot. Të besosh që Edi Rama, që ka ngritur një sistem korrupsioni dhe krimi të ngritur në piedestal dhe të future në institucionet më të rëndësishme, ka ndonjë merak për reformë. Nuk besoj që PD dhe opozita mund të përdoret si instrument për të luftuar SPAK nga Edi Rama. Ky është komision propagandistik. Nuk është bojkot, ne kemi marrë pjesë në reformën në drejtësi, në reformën territorial”, tha Salianji.
Discussion about this post