Ervin Salianji, deputet i PD-së, u shpreh pasditen e sotme se demokratët kanë nevojë për një Kuvend bashkimi, por edhe transformimi të kësaj partie.
Në një intervistë për Euroneës Albania, Salianji tha se Lulzim Basha nuk mund të qëndrojë apo mbajë më PD-në, ndërsa theksoi se kemi nevojë e transformimit të kësaj partie.
“Të gjithë jemi të lodhur nga kjo situatë, shpresoj që brenda këtij muaji të gjejmë dhe të dakordësojmë formulën e bashkimit dhe transformimit, jo vetëm të PD-së, por edhe të opozitës”, tha Salianji.
Salianji, ka propozuar që të zhvillohet një Kuvend transformimi në PD, i cili do të ndryshojë emrin, logon dhe do të ribëjë këtë forcë politike.
“Nuk shoh që PD do e marrë dhe nuk e merr dot Basha, por unë e kam thënë edhe më parë, që ne duhet të bëjmë një Kuvend transformimi ku PD të transformohet qoftë në emër, qoftë në ribërjen e saj, për të pasur mundësinë e përfshirjes së të gjithë elementëve në PD.
Duhet ta tejkalojmë këtë ngërç që qytetarëve shqiptarë t’i japim një dimension tjetër të të bërit opozitë. Unë shpresoj të mbyllet brenda muajit formula dhe të gjithë të ruajnë aksionet që kanë.
Sot ka vetëm një vendimmarrje të Gjykatës së Tiranës që njeh Kuvendin e “Rithemelimit”. Sot gjyqësisht Sali Berisha është kryetari i asaj partie.
PD të transformohet dhe të ketë logo tjetër. Nuk mbetemi problem i datës së gjyqit, sepse gjyqet këtu mbahen si në regjim”, tha Salianji.
Discussion about this post