Deputeti i Partisë Demokratike, ka thënë nga Korça se 80% e delegatëve të këtij qarku do të jenë prezentë në Kuvendin e 18 dhjetorit të thirrur nga lideri i PD, Lulzim Basha.
“Siç e shikoni jo vetëm që nuk ka kyçe në dyert e Partisë Demokratike, jo vetëm që nuk ka dryna, jo vetëm që nuk ka brava ka njerëz të cilët vijnë dhe punojnë, ora është 22:30 dhe ka njerëz që vijnë punojnë, kryetarë grup seksioni, delegatë të PD-së që kanë konfirmuar masivisht më shumë se 80% për degën e Korçës të cilët jo vetëm kanë konfirmuar pjesëmarrjen, por po tërheqin kartat e delegatëve dhe po punohet si strukturë për të qenë të pranishëm dhe për të marrë një vendim në kuvendin e vetëm të PD-së të datës 18”, tha Salinaji.
Deputeti demokrat shprehet se selia do jetë e hapur ne çdo moment, ndërsa të shtunën nuk ka referendum pasi ka vetëm Kuvend Kombëtar në Tiranë, ndaj selia nuk ka pse të jetë e hapur.
Ditën e shtunë, PD-ja zyrtare pritet të mbajë Kuvendin Kombëtar të saj vetëm pak muaj, pas atij të 17 korrikut ku u miratuan ndryshimet e reja në statut. Kreu i kësaj partie ka thënë se ky Kuvend është një thirrje për bashkimin e demokratëve dhe lënien pas të së shkuarës.
Discussion about this post