Kreu i PD-së Lulzim Basha dhe deputeti Ervin Saianji ishin këtë të mërkurë në Korçë, ku kanë zhvilluar takime me të rinj, studentë dhe demokratë, kontribuues ndër vite. Ervin Salianji u shpreh se këtij takimi i janë bashkuar demokratët e vërtetë, ata që kanë punuar dhe nuk kanë përfituar kurrë, edhe pse i quajnë tradhtarë.
Salianji theksoi kontributin që kanë dhënë pjesëmarrësit e takimit. “Kjo sallë është zjarr, tha deputeti, është flakë e mbushur me njerëz që kanë kontribuar për PD”.
“Shikoni përfaqësuesit që kanë luftuar dhëmb për dhëmb me PS, Shihni kontributorët , themeluesit, të gjithë emrat ata që shihni këtu janë kryetar grupseksionesh njerëz që kanë luftuar për PD. Janë bashkuar kryetarët më të mirë”, prezantoi Salianji bazën e PD-së.
Sipas tij, aty gjendeshin njerëz që nuk i kanë marrë, por i kanë dhënë PD-së.
“Nuk kanë përfituar kurrë dhe i quajnë tradhtar, i patë ata të Enverit 10 veta për turp. Ne jemi demokratë dhe demokratët duan fitore dhe ky është geni ynë. Ne nuk mund të pranojmë që ish-doganierë apo bastexhinj që më shumë rrinë në burgje kërkojnë të bëhen demokratë. Këta i bashkon llumi, non-grata dhe dëmi që duan t’i bëjnë PD’”, deklaroi Salianji.
Më tej deputeti i PD-së drejtoi gishtin tek korrupsioni. “Në këto 8 vite opozitë keni parë dhjetëra procedime penale ndaj kryetarit të partisë. Po këta që nuk kanë bashkëpunim me Edi Ramën, keni parë ndonjë ish-ministër, apo këta të “Foltores” që dalin tani, të kenë një procedim të vetëm megjithëse ka akuza për korrupsion? Ne kemi pasur kosto ashtu si shumë prej jush”, mbylli diskutimin Salianji.
gijotina.com/
Discussion about this post