Deputeti demokrat Ervin Salianji tha se opozitën nuk mund ta intimidojnë me gardën. Në emisionin “Opinion”, Salianji tha se gardistët nuk kanë të drejtë të prekin deputetët, ndërsa në Shqipëri, gardisti të vjedh si hajdut, ose prekin deputetët.
“Ne bëmë sot një formë reagimi në Parlament, nuk jemi dele, dele mund të jenë ata që ngrenë kartonët me urdhër të Edi Ramës”, tha Salianji.
Deputeti demokrat tha se opozita po kërkon të drejtat kushtetuese, ndërsa PS po përdor gardistët.
“E dini ju që po kërkojnë përplasje fizike? Po pse me gardistë mendon Edi Rama se mund të zgjidhë këtë situatë”, tha Salianji.
Ai tha se drejtuesi i gardës është një person që ka probleme të theksuara me ligjin, që familja e tij merr tendera miliona nga Qeveria.
“Ne po kërkojmë të drejtat kushtetuese, këta thonë që do vendosim nga tre gardistë për çdo deputet. Çfarë pune ka garda. Nuk do i lëmë seancat, por çfarë pune ka garda. Personi që kishte ardhë dhe u largua nga seanca dhe nga kolegët e tij. Kishte armë dhe është kapur nga ne. Është kapur i armatosur. Njeriu që drejton gardën me tendera nga kjo qeveri familjarisht.
Personi që ka armë është personi që kemi kapur ne. Në momentin që ne e identifikojmë që ka armë filloj të përdorte fizikisht dhe dhunë ndaj deputetëve. Gjithçka që ndodh në Parlament, ndodhe me urdhër të kryetares së Parlamentit. Gardistët janë në çdo cepë të parlamentit.
Po të jetë për luftë ne do e linim që të shkojmë aty. Reagimi në parlament është vendosur aty për aty”, tha Salianji.
Ai shtoi se gardisti i armatosur u nxorr nga salla nga kolegët e tij dhe nuk u pa më gjatë gjithë kohës.
Discussion about this post