Deputeti i PD-së Ervin Salianji ka reaguar pas deklaratës së sotme të kryeministrit Edi Rama, i cili e konsideroi ishullin e Sazanit si një park imagjinar, sipas të cilit nuk ka qenë kurrë i mbrojtur.
Salianji ka publikuar një video nga komisionet parlamentare, ku ministri i Mbrojtjes, Niko Peleshi, është shprehur se “Baza e Sazanit nuk mund të privatizohet”, pasi është pyetur nga deputeti demokrat.
“Me zë dhe figurë; cfarë thoshin dje dhe cfarë bëjnë sot!
Rama tha sot se Sazani nuk është zone e mbrojtur! Ndryshe, ështê shprehur
Peleshi dje: Baza e Sazanit nuk mund të privatizohet!
Thuajse dy vite me pare kam shprehur shqetesimin publik per ishullin e Sazanit, dhe ministri i Ramës mohoi kategorikisht kur tha se baza e Sazanit nuk mund te privatizohet!
A po dorëzohet ky aset kombetar pa transparencë, pa garë dhe në kundërshtim me zotimet e qeverisë vetëm për interesa të pushtetit?” – shkruan Salianji.
Kujtojmë se dy ditë më parë mediat amerikane raportuan se kompania “Affinity Partners” e Jared Kushner, dhëndri i Donald Trump, planifikon mbi 1 miliard dollarë investimesh pronash në Ballkan, duke përfshirë një eko-resort luksoz në ishullin e Sazanit dhe në Zvërnec. Këtë fakt e pranoi ditën e sotme edhe kryeministri Edi Rama gjatë fjalës në asamblenë e PS-së.
Discussion about this post