Deputeti demokrat Ervin Salianji tha pasditen e sotme në Panorama TV se pamjet e djeshme në kampin e MEK në Manzë nuk i bëjnë nder as Policisë së Shtetit dhe as shtetin shqiptar.
Salianji tha se nuk ka autoritet që nuk mbështet zbatimin e një vendimi gjyqësor, por çështja është a tejkalohen kompetencat kur nis të zbatosh një vendim gjyqësor.
“Deklarata e ministrit të Brendshëm, Bledi Çuçi, kur thotë se ne jemi shtet i pavarur dhe nuk koordinohemi, është e gabuar, pasi në raste të tilla specifike ne duhet patjetër që të koordinohemi me partnerët dhe aleatët tanë, veçanërisht me SHBA.
Irani e shikon MEK si kërcënim, pasi ato janë një lëvizje politike. Shqipëria ra preh e sulmeve kibernetike nga Irani dhe këtu u cënua siguria kombëtare”, tha Salianji. Sipas deputetit demokrat, lidhur me ngjarjen në kampin e MEK duhet të jepet një informacion i plotë. Salianji tha se Policia e Shtetit ka marrë kostot në public, ndërsa ata që kanë shkaktuar paligjshmëri me kompetencat e tyre, duhet të përballen me ligjin.
“Irani është një shtet që sulmoi Shqipërinë, jemi i vetmi vend i NATO-s që ramë preh e këtij sulmi”, tha Salianji, duke shtuar se deklaratat e Teheranit duhet të merren me rezerva dhe s’duhen besuar.
Discussion about this post