Ish-deputeti Ervin Salianji ka deklaruar se mbledhja e Kryesisë sot zhvendosi fokusin nga protesta. Pas përfundimit të mbledhjes së Kryesisë, Salianji u shpreh se vendimarrja e PD-së ishte e paqartë në disa situata dhe përgjegjësia për këtë duhet të bjerë mbi Flamur Nokën.
“Jam i keqardhur që mbledhja e Kryesisë e zhvendosi fokusin nga protesta. Kishte mendime të ndryshme. Do eci përpara, çdo ndryshim nuk vjen pa sakrifica. Çdo akuze do t’i përgjigjemi me fakte konkrete dhe me emra konkretë. Vendimmarrja e PD e cila ishte e paqartë në mjaft situata e bën përgjegjës Flamur Nokën. Kur u zgjodh Bamir Topi president, në momentin që 6 deputetë të PS votuan, pati dorëheqje të menjëhershme. Nuk mund të rrimë peng i interesave… Po bëj përgjegjës drejtuesit e PD për paqartësinë në vendimmarrje të caktuara,” tha Salianji.
I pyetur lidhur me akuzat se kishte mbledhur firma të deputetëve për kandidaturën e Endri Shabanit për postin e Avokatit të Popullit, Salianji reagoi me ironi, duke i mohuar këto pretendime.
“Edhe luftërat punike unë i kam zhvilluar. Edhe për firmat për Endri Shabanin unë i kam mbledhur, që nuk jam deputet”, tha Salianji me tone ironike, duke lënë të kuptohet se akuzat ndaj tij janë të pavërteta.
Pyetje: Mbledhje kundër jush?
Salianji: Jo kishte mendime të ndryshme, do ecim pra, çdo ndryshim nuk vjen pa sakrificë dhe përplasje, çdo akuze dhe çdo idiotësie do i përgjigjemi me fakte konkrete.
Discussion about this post