Salianji pas mbledhjes së Kryesisë: Të ulim çdo përçarje që të nisë bashkimi!

Mbledhja e kryesisë së Partisë Demokratike kishte në qendër të diskutimeve negociatat me palën tjetër.

Pas Helidon Bushatit, edhe Ervin Salianji ka kërkuar heqjen e dyerve të blinduara, ndërkohë që ka kërkuar ngritjen e një grupi ku të gjithë të jenë të përfaqësuar.

Në daljen e tij të parë në media pas mbledhjes së kryesisë Salianji është shprehur se ka ardhur koha që të ulen dhe të diskutojnë.

“Duhet të ulemi dhe të diskutojmë. Ne na takon të ulim cdo përçarje dhe të nisim bashkimin. Nuk pati propozime për emra konkret.Do të ketë një vendimmarrje që do të deklarohet”, ka thënë ndër të tjerash Salianji.

Deputeti demokrat po ashtu ka thënë së është momenti i duhur për ata që duan të bëjnë një hap pas, që të reflektojnë.