Deputeti demokrat Ervin Salianji ka folur në lidhje me aksionin e IKMT-së në “Prestige Resort” duke e cilësuar hakmarrje të kryeministrit Edi Rama. Ai u shpreh për news 24 se duhej lejuar që fjalën e fundit ta thoshte gjykata.
“Edi Rama mendon se është pronari i Shqipërisë. Ka një gjë që është e pashpjegueshme. Pse ndërhyhet tani. Cili është nxitimi i kësaj ndërhyrje të paligjshme. Investimi i klasë politike për një drejtësi të pavarur pse nuk lejohet që procesi të shkojë deri në fund dhe të shprehej gjykata nëse kishte të drejtë shteti apo investitori. Edi Rama nuk ka asnjë interes për këtë pishinë apo këtë ndërhyrje. Nuk hyje dot në këtë resort sepse ishte Edi Rama dhe deputetë të Partisë Socialiste që qëndronte këtu dhe jepte mendime. Edi Rama mendon se është pronari i Shqipërisë dhe ndërhyn edhe te privatët duke thënë si duhet të jetë ngjyra, ku duhet të jetë pema. Si duhet të hidhen katet. Fatkeqësisht edhe kjo ndërhyrje kur vendos vetë nuk ka as ligj dhe as procedura që mund t’i qëndrojnë presionit politik dhe mafioz”, tha ai.
Ai tha se shqetësimi i vërtetë i Edi Ramës është News 24, Gazeta Panorama dhe gazetarët e tyre të pavarur, ndërsa shtoi se qeveria ka tentuar të blejë këtë grup mediatik por nuk ia ka dalë dot.
“Shqetësimi i Edi Ramës është News 24 dhe gazetarët e pavarur. Përveç ndërhyrjes që ka tentuar të bëjë qeveria te Gazeta Panorama apo Gazeta Shqiptare ka përdorur mënyrat për të ndërhyrë te puna e gazetarëve duke tentuar së pari duke tentuar të godasë mediat dhe duke bërë presione. Ishte skandaloze si kërcënohet News 24 ndërkohë që të gjithë mediat janë ndihmuar nga shteti me godina. E kundërta bëhet në një prej televizioneve më prestigjoze në vend. Ajo që dihet është tentative e qeverisë për ta blerë këtë grup mediatik dhe për ta kaluar në pronësi të qeverisë. Ky grup mediatik është një ishull për zërin e lirë të qytetarëve. Janë tre elementë që nga presionet për të ndryshuar linjën dhe tentative për t’i blerë këto media. Shqetësimin Rama e ka me mediat. Marrë parasysh edhe element të tjerë kur vetë qeveria e ka përdorur këtë hapësirë”, deklaroi Salianji.
Discussion about this post