Në Komisionin e Sigurisë i cili po zhvillohet me dyer të mbyllura sot ka raportuar drejtuesja e SHISH, Vlora Hyseni.
Ndërkohë deputeti Ervin Salianji ka pasur një debat me drejtuesin e komisionit Nasip Naço, duke u shprehur se në këtë komision, drejtuesit e institucioneve të cilët paraqiten për të raportuar, trajtohen sikur të jenë pronë e tyre.
Salianji thotë është e disata herë që “drejtuesit e institucioneve trajtohen sikur të jenë pronë e tyre”.
“U bë e disata herë, sepse e dini nuk e keni vetëm këtu, e keni personal shtetin, e keni ves të drejtimit në çdo institucion që trajtoni drejtuesit e institucioneve sikur janë pronë tuaja, sikur institucioni është në pronësi tuaj dhe sikur bëni ç’të doni, dhe e katra sikur po bëni nder e po i jepni ndonjë të drejtë deputeteve.
Institucionet janë këtu për të raportuar me vonesë në këtë rast, për herë të parë pas shumë kohës, nuk e kam vetëm me drejtuesen e SHISH.
Kush jeni ju që përcaktokeni certifikatën e sigurisë apo jo.
A e prishët mbledhjen e parë se nuk ka certifikatë sigurie? Pse sot thoni të kundërtën. Apo ligji është siç e interpretoni ju?
A ka mundësi t’u thoni personave që nuk zbatojnë ligjin dhe pastaj hyjnë njerëzit e marrin të dhënat e TIMS, këta të DSIK-së të pajisin deputetët me certifikata sigurie. Kanë tre muaj që i kanë plotësuar dhe nuk marrin përgjigje.
Bëni punën tuaj insitucionalisht që mos vini drejtuesit e institucioneve pa përgjegjësisë nëse duhet thënë diçka apo jo. Ose bëjmë mbledhje ose mos të tallemi sikur po bëjmë nder. Çfarë jeni ju pronar jeni këtu?”, u shpreh ai.
Discussion about this post