Deputeti demokrat Ervin Salianji ka reaguar për vrasjen e ndodhur mesditën e djeshme në Vlorë, ku si autor i dyshuar i ngjarjes është djali i anëtares së KLP.
Salianji shprehet se Qeveria që instalohet me votat e krimit pjell vetëm krim! Ai thekson se ligji nuk ekziston për banditët e lidhur me pushtetin.
Sipas tij, vrasja në Vlorë provon edhe njëherë që thuajse në çdo ngjarje të kronikës së zezë janë të përfshirë funksionarë të larte të lidhur me Partine Socialiste.
Postimi nga Ervin Salianji
Ligji nuk ekziston për banditët e lidhur me pushtetin, vrasja në Vlorë provon edhe njëherë që thuajse në çdo ngjarje të kronikës së zezë janë të përfshirë funksionarë të larte të lidhur me Partine Socialiste!
Këta emërojnë dhe ndikojnë në drejtësi, këta vendosin gjoba në emër të pushtetit, këta emërojnë drejtuesit e institucioneve në administratë, këta vendosin se kush lejohet të pasurohet me pasuritë publike, këta japin liçensat dhe lejet për të bërë biznes, ky soj ka përzënë qytetarèt nga Shqipëria!
Qeveria që instalohet me votat e krimit pjell vetëm krim!
Duhet dhe do ti ndalim!
Fjala 1 vit më parë në parlament ku parashtroja pikërisht këto që po ndodhin sot!
Discussion about this post