Deputeti demokrat Ervin Salianji ka folur për gazetarët pas mbylljes së seancës, ku mes zhurmuesve u miratuan ligjet e përcaktuara në rendin e ditës.
“Të gjitha institucionet i nënshtrohen vullnetit personal të Edi Ramës, ata nuk kanë rolin e deles, por të përfaqësimit të popullit.
Ne kemi tre kërkesa që nuk ka i garanton as Edi Rama, as Lindita Nikolla. Sot, pavarësisht thirrje të ndërkombëtare, pavarësisht thirrjeve të OSBE/ODIHR, pavarësisht thirrjeve për adresimin e problematikave të raportit të OSBE, vazhdohet njësoj sikur ka një konflikt të opozitë dhe vazhdohet me teatrin e shpifur të kalimit të ligjeve në pak minuta.
“Po kërkojmë bashkëkryetarin e Komisionit të Reformës Zgjedhore. Ashtu siç e keni parë, 47 deputetë që përbëjnë shumicën e deputetëve të grupeve parlamentare të opozitës, kërkojnë që të kenë përfaqësimin e tyre në Komisionin e Reformës Zgjedhore dhe proporcionaliteti ndërkohë është i mirëpritur.
Nuk mund të ketë një grupim që nuk është as parti me shtatë deputetë, të ketë katër përfaqësues dhe grupet opozitare, të gjithë partitë opozitare bashkë me partinë më të madhe që është PD dhe Grupi Parlamentar i PD, të mos kenë përfaqësimin e bashkëkryetarit”, tha ai.
Discussion about this post