Salianji: Rama nuk rrëzohet duke qarë, ja dy rrugët se si PD mund të fitojë zgjedhjet

Anëtari i Kryesisë së PD, Ervin Salianji, gjatë fjalës së mbajtur në takimin me strukturat e PD në Elbasan, kërkoi mobilizimin e demokratëve për t’u ringritur në protesta masive dhe revoltë me qëllim paralizimin e jetës politike.

Ervin Salianji: E them qartë, Rama dhe PD ka dy rrugë si rrëzohet, me protesta masiva dhe revoltë që të paralizojnë jetën politike të këtij vendi ose tek kutitë e votimit duke bindur dhe frymëzuar aq shumë njerëz sa ta tejkalojmë manipulimin që Rama ka ngritur në sistem nga zgjedhjet në zgjedhje. E vetmja mënyrë për ta bërë këtë është të çojmë në këmbë popullin opozitar, që t’i dëgjojmë demokratët qoftë edhe një të vetëm që të mos shqetësohemi nga zëri i demokratëve që kërkojnë fitore.