Me anë të një postimi në rrjetet sociale, deputeti i PD-së, Ervin Salianji, ka reaguar menjëherë pas deklaratave të kryeministrit Rama me drejtuesit e Policisë së Shtetit, i cili thotë se vetë kryeministri është arkitekti i inkriminimit të policisë së shtetit. Salianji shprehet se arsyet e ndryshimeve në polici janë në funksion të goditjeve selektive dhe të përdorimit të policisë dhe lehtësimit të grupeve kriminale, duke i thënë se dera është e hapur.
“Edi Rama është arkitekti i shkatërrimit dhe inkriminimit të policisë së shtetit ashtu siç është dhe përfituesi kryesor i angazhimit të tyre abuziv në fushata elektorale për të grumbulluar vota në kurriz të shkallmimit të shtetit! Përdorimi i grupeve më të errëta të krimit të organizuar në këmbim të lehtësirave të mëvonshme e ka paralizuar policinë e shtetit në rastin më të mirë dhe shpesh ka krijuar perceptimin që s’ka kufij por bashkim mes shtetit dhe mafias! Arsyet e ndryshimeve në polici janë në funskion të këtij objektivi, të goditjes selektive, të përdorimit të policisë, të goditjes së kundërshtarit politik apo mediave që nuk kontrollon, të lehtësimit të grupeve kriminale duke ju treguar që dera qëndron e hapur, ka më shumë rëndësi për qeverinë që dera për krimin të jetë më e hapur se dera për partnerët ndërkombëtarë të Shqipërisë!”, shkruan deputeti i PD.
Discussion about this post