Deputeti i Partisë Demokratike, Ervin Salianji ka reaguar në lidhje me ngjarjet e fundit kriminale, të cilat sipas tij po tregojnë se rendi dhe siguria janë në pikiatë.
Salianji shprehet se vrasjet, plagosjet, vjedhjet po bëjnë kërdinë,ndërkohë që halli më i madh i policisë politike është si të mbulojë, manipulojë dhe fshehë krimet.
Postimi
Rendi dhe siguria publike në pikiatë, vrasjet, plagosjet, vjedhjet po bëjnë kërdinë ndërkohë që halli më i madh i policisë politike është si të mbulojë, manipulojë dhe fshehë krimet!
Policia e politizuar po politizohet dhe më tej, për të dhënë mesazhin tek banditët që më kriminelët mbrohen! Parandalim as që bëhet fjalë por policia nuk kap dot as kriminelët ordinerë, oligarkët e krimit ndërkohë emërojnë drejtuesit dhe caktojnë shefat e policisë!
Vetëm çlirimi i policisë nga prangat e krimit dhe rikthimi i saj në shinat e ligjshmërisë rikthen besimin tek punonjësit e policisë dhe e kthen policinë e shtetit në shërbim të interesave të qytetarëve dhe jo në interesa të bandave!
Ndërkohë që krimi ka marrë dhenë në rrugë ministri i brëndshëm as dihet ku është fshehur!
Discussion about this post