Deputeti i Partisë Demokratike Ervin Salianji, ka ironizuar ministrin Bledi Çuçi ditën e sotme në Kuvend duke theksuar se prej disa javësh kanë kërkuar ballafaqim me të por nuk kanë arritur ta kenë atë.
Salianji e nisi fjalën e tij duke vënë në dukje se ministri “është shpallur në kërkon prej një muaji”, pasi nuk ka qenë më herët i gatshëm për interpelancë.
Deputeti demokrat vuri në dukje situatën e rëndë të krimit në vend, ndërsa u ndal edhe tek emigrimi masiv i shqiptarëve drejt Mbretërisë së Bashkuar, duke paguar me mijëra paund trafikantët.
“Zoti ministër faleminderit që të gjetëm sot se të kemi shpallur në kërkim që prej një muaji. Jeni bërë si policia, i shihni kriminelët dhe nuk i kapni. Dhe ne të shohim këtu por nuk të kapim dot. Prej vitesh situata me kriminalitetin është rënduar. Përditë shohim në media dhe në zonat tona si qytetarët na drejtohen me mungesën e sigurisë në këtë vend. Ndeshen me paaftësinë e policisë së shtetit dhe kjo reflektohet edhe te policët e thjeshtë. E kam kërkuar këtë interpelancë në fillim të shtatorit pas ngjarjeve të rënda të ndodhura në rrugët kryesore. Ngjarjet kriminale po ndodhin çdo ditë dhe policia i gjen vetëm kur kanë problem me njëri tjetrin. Kam disa pyetje. Një prej tyre është shqetësimi për trafikun e qytetarëve shqiptarë që mbushën gjatë gjithë verës gazetat kryesore britanike”, deklaroi ai.
Discussion about this post