Deputeti i Partisë Demokratike, Ervin Salianji është shprehur se Shqipëria është e kalbur në korrupsion dhe vetëm një qeveri e re do i çlironte duart drejtësisë.
Ndërsa theksoi se sipas sondazheve 70% e qytetarëve janë të pakënaqur nga qeverisja, “e shoh gjithandej që vlon në nivele të tilla që se kam parë në asnjë fushatë që kanë bërë ndër vite”.
“Kemi kërkuar që pagat të rriten dhe një pjesë e madhe e abuzimeve që bëhen me tenderimet, rrugët, infrastrukturën të kalojnë për paga sepse është mirë që qytetarët shqiptarë të kenë mundësi të mos ikin.
Nuk ka realizëm në këtë përpjekje, por është një shashkë elektorale për të zhvendosur gjithë vëmendjen tek premtimet e tjera që nuk i ka realizuar dhe problemet ekonomike që kanë shqiptarët sot.
Por thuajse, 100% e qytetarëve mendojnë se Shqipëria është e kalbur në korrupsion. DASH në raportin e fundit që publikoi, thoshte se Shqipëria është e kalbëzuar në korrupsion në çdo segment të qeverisjes, kemi korrupsion endemi dhe të përhapur në çdo nivel, qoftë lokal dhe qoftë qendror. Nëse ka një korrupsion të hapur në çdo nivel do të thotë që ka dështuar komplet qeverisja. Si mund të luftojë korrupsionin një kryeministër, i cili ka krijuar këtë problematikë? Kur kryeministri përdor institucionet e drejtësisë për t’iu turrur kundërshtarit politik dhe jo për të luftuar realisht korrupsionin. Vetëm largimi i qeverisë dhe një qeveri e re që ka prioritet shërbimin e qytetarëve dhe luftën ndaj korrupsionit mund t’i japë zgjidhje kësaj problematike.
Vetëm një qeveri e re do i çlironte duart drejtësisë që të luftonte korrupsionin. Segmente të caktuara të drejtësisë kanë frikën e intimidimit, kërcënimit apo janë të kapura nga kryeministri.
E shoh gjithandej që pakënaqësia vlon në nivele të tilla që se kam parë në asnjë fushatë që kanë bërë ndër vite. Ka pakënaqësi masive që vërehet në çdo cep, është e matur në sondazhe.
70% e qytetarëve të pyetur janë të pakënaqur nga qeverisja ç’ka tregon se në fund të ditës, njerëzit që kanë mbetur këtu kanë vendosur të ndryshojnë dhe të shohin se me këtë qeveri nuk kanë cilësi jete më të mirë, fëmijët po u largohen, s’kanë perspektivë që e ardhmja do të jetë ndryshe dhe do votojnë kandidatët e opozitës. Në Kavajë ku po takoj qytetarët shoh se si qindra njerëz mblidhen sapo shohin përfaqësuesit e PD-së për t’i dhënë mbështetje dhe për të mezi pritur ndryshimin me votën e 14 Majit”, u shpreh ai.
Discussion about this post