Deputeti i Partisë Demokratike, Ervin Salianji ka reaguar pas nënshkrimit të marrëveshjes për Portin e Durrësit, duke thënë se skandali me McGonigal nuk mund të mbulohet me një aferë si ajo e Portit.
Me anë të një reagimi në Facebook, Salianji thotë se qeveria me një logjikë prej matrapazi, fal një pronë me vlerë tregu 1.3 mld euro.
“Këtë herë nuk mjaftojnë as miliarda euro për të mbyllur çështjen Mcgonigal”, shkruan deputeti i PD.
Reagimi:
Afera Mcgonigal, më i madhi skandal qeveritar në 32 vite nuk mbyllet, mbulohet dhe as harrohet duke pompuar një tjetër mega aferë si ajo e Portit të Durrësit!
Guxim prej të marrësh duhet që të falësh një pronë strategjike dhe të paçmueshme me vlerë monetare!
Qeveria me logjikë matrapazësh pretendon që do fitojë në të ardhmen maksimumi 260 milion Euro, ndërkohë që po fal një pronë qe me çmim tregu vlen sot më shumë se 1.3 miliard Euro!
Duan të mbulojnë skandalin me zhurmë dhe aferë të re, këtë herë nuk mjaftojnë as miliarda euro për të mbyllur çështjen Mcgonigal!
Discussion about this post