Kuvendi ka rrëzuar sot kërkesën e opozitës për ngritjen e Komisioneve Hetimore për rrjedhjen e të dhënave nga sistemi TIMS si edhe për koncensionet për shëndetësinë.
Jashtë Kuvendit, deputeti Ervin Salianji u shpreh PS ka frikë dhe se synon të fshehë të vërtetët dhe korrupsionit. Gjithashtu Salianji akuzoi mazhorancën se u bë ‘zëdhënëse’ e kreut të PD Lulzim Basha, të cilin e quan ‘patericë’.
“PS Ka frikë të hetohet për çështjet që në i kemi ngritur, qoftë për çështjet në shëndetësi, apo edhe patronazhistët deri tek rrjedhja e të dhënave të sistemit TIMS. PS sot u bë zëdhënëse e patericës së vet, Lulzim Bashës. Protesta ishte për këtë sepse nuk ishte lajmëruar që do të ishte në rendin e ditës ishte vetëm çështja e Kosovës. Por PS nuk ndalet para asgjëje dhe këtë e tregoi edhe sot”, tha ai.
Salianji tha se PS e kishte të vështirë të pranonte propozimet e PD, por më vonë u tërhoq duke gjetur konsensusin mes tyre.
“Sepse PS nuk pranonte dy çështje themelore, njëra që ishte dënimi Serbisë për agresionin ndaj territorit të Kosovës dhe hetimin ndërkombëtar. U detyrua PS dhe Rama që të pranojnë rezolutën e propozuar nga PD, por siç e patë Edi Rama fjalimin e kishte kundër rezolutës, ashtu sikundër në fund nuk erdhi as ta votojë rezolutën e përbashkët”, tha ai.
Kuvendi në seancën e kësaj të enjteje votoi me 101 vota pro rezolutën që dënon veprimet Serbisë për ngjarjen e Banjskës, ndërsa përveç Kreshnik Çollakut, grupimi i Lulzim Bashës nuk mori pjesë në votim.
Discussion about this post