Deputeti demokrat, Ervin Salianji, ka komentuar votimin e sotëm të PS-së në parlament, ku u miratua ngritja e komisionit anti-korrupsion vetëm me votat e mazhorancës.
Sipas Salianjit, ky nuk është një komision anti-korrupsion por është pro-korrupsion, i prezantuar nga kryetari i PS në grupin e vetë parlamentar me një terminologji ‘Shqipëria 2030’.
‘Thelbi i të gjithë punës së këtij komisioni do të jetë kufizimi dhe kontrolli i të gjithë pushteteve të tjera të pavarura, që nuk ka kapur sot PS në drejtësi, në KLSH, ILDKPI, Bankë dhe çdo institucion kushtetues që deri më sot ka një hapsirë autonomie, po kërkon ta kufizojë’, u shpreh Salianji.
“Duhet ta quajmë ashtu siç është. Ky është një komision pro-korrupsion. Nga gjithë të dhënat ky komision është një platformë elektorale e PS, një dokument i prezantuar nga kryetari i PS në grupin e vetë parlamentar me një terminologji ‘Shqipëria 2030’.
Thelbi i të gjithë punës së këtij komisioni do të jetë kufizimi dhe kontrolli i të gjithë pushteteve të tjera të pavarura, që nuk ka kapur sot PS në drejtësi, në KLSH, ILDKPI, Bankë dhe çdo institucion kushtetues që deri më sot ka një hapsirë autonomie, po kërkon ta kufizoi.
Po ashtu dhe ndryshimin e aspekteve ligjore për të favorizuar ata që janë përfshirë në korrupsion”, tha ai
Salianji theksoi se ‘mjaftonin faktet që ka nxjerrë tani Rai3 që kjo qeveri në çdo vend normal të japi dorëheqjen’.
Duke iu referuar sulmit të ministrave të Ramës ndaj mediave Rai dhe BILD, Salianji u shpreh se kjo është qesharake të thuash se ‘po ra Rama ra Meloni’.
“Mjaftonin faktet që ka nxjerrë tani Rai3 që kjo qeveri në çdo vend normal të japi dorëheqjen. Në këto kushte ajo që konfirmohet prapë është që këtu kemi një autokraci dhe duhen bërë llogaritë me autokracinë dhe sa vjen e sa vjen zullumi po trashet.
Nuk ka njeri që të thuash se po godasin këtë se po ra Rama ra Meloni. Kjo është qesharake. Ore Edi Rama e përdor Shqipërinë si pronë të vetën për të krijuar kontakt me Melonin, me cilindo në këtë vend”, shtoi ai.
Discussion about this post