Ish-deputeti i Partisë Demokratike, Ervin Salianji, ka zhvilluar një takim me qytetarët, mbështetësit dhe strukturat lokale të PD në Korçë, qytetin që e konsideron shtëpinë e tij politike.
Salianji është pritur me entuziazëm nga strukturat dhe simpatizantët demokratë. Në një postim në rrjetet sociale, ish-deputeti shprehet se ky rikthim i jep energji dhe vendosmëri për sfidat e ardhshme.
Ai thekson se, pas një periudhe të gjatë largësie të imponuar nga “frika e autokracisë”, është i gatshëm të angazhohet për betejat politike në vijim, duke nënvizuar se forca e vërtetë vjen nga njerëzit.
Postimi
Korçë – takova me falënderim e mirënjohje miqtë dhe mbështetësit që më kanë dhënë e më japin forcë të pashtershme.
Kemi bërë beteja, kemi ndarë mendime, dhe u çmallëm pas një periudhe të gjatë largësie, që na e imponoi frika e autokracisë.
Ky rikthim mes jush më jep energji për betejat që kemi përpara
Në çdo kohë kur politika përpiqet të humbasë kuptimin e saj, më kujtoni se forca e vërtetë vjen nga njerëzit. Korça ka qenë dhe mbetet shtëpia ime politike, aty ku nisa dhe ku gjithmonë do të kthehem për t’u ringritur bashkë me ju me shumë dinjitet, vendosmëri dhe besim në të ardhmen
Discussion about this post