Deputeti i Partisë Demokratike, Ervin Salianji gjatë mbledhjes me dyer të mbyllura të Grupit të demokratëve është shprehur kundër ‘negociatave’ që po zhvillohen me maxhorancën.
Sipas tij, në publik po krijohet perceptimi se aksioni opozitar prej 5 muajsh kishte qëllim që në fund, demokratët të uleshin në tryezë me Edi Ramën. Ervin Saliani është shprehu se akti që po ndërmarrin demokratët i bënte ata të pabesueshëm në sytë e publikut.
“Vendimi për bisedimet ose negociatat në këto kushte është dëmtues për Partinë Demokratike dhe për opozitën! Këtë që po marrim sot, uljen në Konferencën e Kryetarëve ne e kishim dhe ju propozuat që ta refuzojmë dhe mos ulemi. Perceptimi që do krijohet është që krijuam sherr për 5 muaj që të ulemi me Ramën, ne nuk mund te bëjmë sherr për t’u ulur me Ramën!
Pas aksionit tonë bllokues Partia Socialiste ka ndryshuar ligjin për komisionet hetimore dhe rregulloren e Kuvendit, ndërkohe që nuk ka pasur asnjë shenjë tërheqje as në deklaratat publike të Ramës! Rikthimi sot në konferencën e kryetarëve është praktikisht rikthim në normalitet dhe ne në normalitet nuk kthehemi se jemi ulur me Ramën, por nëse e vendosim vete. Nëse ju thoni qe aksioni ka pasur sukses marrim vendim si grup parlamentar dhe rikthehemi, por që të hyjmë në normalitet, se u ulem me Ramën do krijojmë perceptim dëmtues për opozitën dhe do jemi joserioze siç ka ndodhur shpesh në këtë parti e këtë seli që radikalizohemi që të marrim vëmendjen e Ramës. Ndërkohë që vëmendjen dhe besimin duhet ta marrim tek qytetaret! Ky akt i sotëm na bën dhe më pak të besueshëm!
Të paktën të marrim vendim tani për t’u rikthyer vetë në normalitet jo si shkëmbim se Rama u ul? Çfarë u ul Rama? A jemi ne që nuk marrim pjesë me vullnet në konferencë kryetarësh? A është qeveria në të njejtin pozicion që thotë riformuloni kërkesat në konferencë kryetarësh dhe me ligjin e ri për komisionet hetimore merrini? A është qeveria që thotë që me mbarimin e afatit të komisionit bipartizan të Reformës zgjedhore do ta kalojmë tek ligjet? Çfarë fitojmë ne nga ky aksion? Po bëjmë lëvizje te gabuar dhe me pasoja”, bëjnë me dije burime nga brenda Grupit të PD.
Salianji i ka mësuar sërish idesë së tij për të theksuar se duhej menduar dhe skenari i dështimit të negociatave, ç’ka do t’i bënte demokratët të dukeshin me keq në sytë e elektoratit.
“Kam dy pyetje se s’bëj dot me sikur, ore nëse e quani aksionin e deritanishëm të suksesshëm pse nuk e vazhdojmë? Se dhe i suksesshem dhe e lëmë sikur nuk shkon! Së dyti si qenka sukses dhe tërheqje qe ne po ulemi aty ku kemi refuzuar vetë të ulemi prej 5 muajsh? Tek konferenca e kryetareve.
Se treti, si e njohën tani realitetin? Se kryetar grupi parlamentar dhe i ftuar përherë në konferencë të kryetareve ka qenë Gazi.
Jam i mendimit që po ndërmarrim lëvizje te gabuar dhe imagjino nëse do dështoje bisedimi i sotëm apo plotësimi i kërkesave, si do themi pastaj: që bëmë pak gabim se Rama na e hodhipër të 100 here!”, mësohet të jetë shprehur ai.
Discussion about this post