Autoriteti Rrugor Shqiptar ka shpallur kompanitë fituese që do të ndërtojnë lotin 1 në pjesën e mbetur të Unazës së Madhe në Tiranë. Por ky prokurim është bërë në shkelje të procedurave, pasi nuk është respektuar parimi i konkurrencës.
Tenderi i cili mban numrin e referencës REF-02823-08-13-2021, ka si qëllim “plotësimi, rakordimi dhe vazhdimi i punimeve Sheshi Shqiponja – Lumi i Tiranës, Loti 1 dhe QMT”. Ky tender ka fondin limit prej 2.375.552.033 lekë të reja ose rreth 24 miliard lekë të vjetra. Në këtë tender kanë marrë pjesë në garë dy kompani, “SALILLARI SHPK” dhe “GENER 2 SHPK”. Kompania “GENER 2 SHPK”, është skualifikuar nga gara, me arsyen se nuk përmbush një kriter që ka të bëjë me preventivin e punimeve, të cilat janë parashikuar punime për QMT, Qendrën e Monitorimit Trafikut.
Pra, kjo kompani është skualifikuar pasi nuk ka paraqitur një punë të ngjashme të realizuar gjatë pesë viteve të fundit lidhur me Ndërtimin e Qendrës së Monitorimit të Trafikut, edhe pse para se të hynte në garë e kishte të përcaktuar në kriteret e procedurs. Skualifikimi i saj, ka bërë që kompania “SALILLARI SHPK” të shpallet fituese automatikisht edhe për këtë tender, pa pasur asnjë konkurrent në garë dhe në shkelje të procedurës. Kjo ka bërë që “Open Data” ta shpall me “flamur të kuq” me shënimin e skualifikimit të të gjithë operatoreve konkurrues përveç fituesit. Kjo shton dyshimet se tenderi është me risk dhe se fituesi është i paracaktuar. Këtë dyshim e përforcon më shumë, kur në lojë është edhe kompania “SALILLARI SHPK”.
Në tetor të këtij viti, procedura për Lotin 1, Sheshi Shqiponja – Lumi i Tiranës të Unazës së Tiranës, u anulua me pretekstin se në procedurat me një fazë, nuk është dorëzuar asnjë ofertë e përshtatshme. Dy muaj më vonë, pas rihapjes së procedurës dhe shpalljes së fituesit pa garë, të bën të mendosh se Salillari, i cili është edhe një nga biznesmenët më të pëlqyer të qeverisë dhe një nga përfituesit më të mëdhenj të tenderave publik me vlera të larta, është i vetmi që ofron përqindjen e kënaqshme për qeveritarët, ndaj dhe është përfituesi i madh.
Kujtojmë që me më shumë se 50 milionë euro tendera, kompania Salillari është fituesja më e madhe e projektit për Unazën e Madhe të Tiranës. Kjo kompani ka ndërtuar “Loti 1” të Unazës së Madhe, nga pallati me shigjeta deri tek Sheshi Shqiponja. Gjithashtu në dhjetor 2018, Salillari fitoi edhe “Lotin 2” të të njëjtit segment rrugor nga pallati me shigjeta te Sheshi Shqiponja, i cili kushtoi 12,6 milionë euro. Pesë vite më parë Salillari ka ndërtuar edhe segmentin 2,1 kilometra nga Komuna e Parisit te “Pallati me Shigjeta”.
Gijotina.com
Discussion about this post